مهند قمرة

أعرض عليكم برومو حملة [شغلني شكرا] التي انطلقت من خلال برنامج [القاهرة اليوم] لعمرو أديب.
حملة أكثر من رائعة وتستحق الإحترام والتقدير.

انضمت اليوم شركة جوجل و موقع ووردبريس ومجموعة من المواقع الأخرى ضد قانون مكافحة القرصنة SOPA على ما يحتويه القانون من بعض البنود التي تعتبر تقييدا لحرية المعلومات على الإنترنت. وجدير بالذكر ان من بدأ الحملة موسوعة ويكيبيديا.

بإمكانكم مراجعة الرابط التالي لمزيد من المعلومات:
ويكيبيديا الإنجليزي يعترض

Google.com

Wordpress.org

Twitpic.com

خاين وعميل، واخد تمويل من بره، عنده مكتب في حي راقي، عربية احدث موديل بالسواق، فلوس السفريات بتاعته دي كلها جابها منين؟
وانت جاهل ومغيب، مش مصدق وعايز تقتنع بالغلط، تستاهل انهم يسرقوك ويضحكوا عليك لإنك غبي ومش عايز تفهم….

وإديله يا عم الحاج ومن ده كثير.. أي حد متمسك بفكره معينه في دماغه [منهم أنا] وكل واحد عايز يقنع الطرف الآخر بفكرته [منهم انا برده]، لكن اللي بينرفز أمي سياسه [خطه التخوين] اللي واخده حقها اليومين دول في البلد، اي حد معترض معايا، يبقى حمار
وان طلع مش حمار يبقى خاين وعايز يولع في البلد، وان مكنش خاين وعايز يولع في البلد، يبقى مكبر دماغه وسلبي وطول عمره هيفضل كده لغايه لما البلد ترجع لورا….

يا إما نبدأ نتقبل بعض، ونتقبل الإنتقاد والطرف الآخر، بدون هجوم، بدون قله ادب، بدون سياسات ومؤامرات وخطط ماسونية هندية ملهبية لإحتلال البلاد وتقسيمها… يبقى هنفضل كده… كلنا في خط الهجوم.

اعلنت شبكة ويكيبيديا للمعلومات عن حجب محتواها بالإنجليزية اليوم الأربعاء 18 يناير 2011، اعتراضا على “SOPA” (قانون وقف القرصنة على الإنترنت).

حيث أنها تسمح باتخاذ تدابير على أساس الرغبة في حماية حقوق التأليف والنشر، ولكنها ستؤدي فعليا إلى رقابة صارمة على المعلومات المتاحة على الإنترنت.

بإمكانك زياره صفحة ويكيبيديا بالإنجليزية اليوم من خلال الرابط Wikipedia أو النسخة العربية عبر صفحة البيان
كما يمكنك مشاهدة الصور التالية:

تحية لشبكة ويكيبيديا

كالعادة أصوات الأطفال بشارعنا تعلوا صياحا عند اللعب بالكره، يوم عادي جدا مثل غيره من الأيام، وكالعادة أيضا يقطع صياحهم صراخ الرجل العجوز صاحب البقاله [روح العب بعيد يابني انت وهو... انتوا مبتفهموش؟]، ولكن هذه المره ماجعلني انتبه أنه أحضر سكينا مهددا بصوت صريرها على باب المحل بقطع الكره ان اقتربت من بقالته…

جننت بسبب هذا الموقف، فنزلت لمخاطبته، اجد الأطفال متجمعون اما باب منزلي وتتنقل بينهم كلمات الإستياء من هذا الرجل، وتعبيرات وجوههم يخرج منها الكره الشديد لهذا الرجل الذي ما يلبث حتى يقطع عليهم فتره اللعب بأسلوبه الغريب.

[* انا] آخد من وقتك عشر دقائق ياعم ابراهيم
[- ابراهيم] اتفضل
* دلوقتي انا سمعت صوتك وانا فوق بتزعق للعيال زي كل يوم.. لكن اللي نزلني ليك النهارده السكينه اللي انت طالع بيها دي.
– دول عيال متربوش، قاعدين بيلعبوا بالكوره وبيبهدلولي المحل تراب، وانا اضمن منين ان الكوره متجيش على ازاز المحل تكسره.
* ياعم التراب مغرق بيوتنا، فمتقنعنيش ان شوية اللعب ده اللي هيبهدل المحل، على اي وضع هيتملي تراب لواحده من غيرهم. وبالنسبة للإزاز هو حد جه جنبك اصلا؟ يعني مثلا رصّه الكراتين دي لو الكوره جت فيها الواد هيجي يعدلهالك ويعتذرلك وهيعمل حسابه انها متجيش فيها تاني.
– ما يتنيلوا يروحوا يلعبوا في النادي، ولا اهاليهم سايباهم في الشوارع كده يقرفوا اهالينا.
* ياعم الحاج نوادي مين انت شايفنا قاعدين في جاردن سيتي؟
– وهي جارد سيتي فيها نوادي؟
* على راسي يا سيدي مدينه الشروق فيها ولا مفيهاش؟
– انا مليش دعوه يتنيلوا يلعبوا في اي حته بعيد عن هنا.
* ياعم ابراهيم، بالعقل كده عيال في السن ده هنوديهم نادي فين؟ ولا ايه البديل اللي يروحوا يلعبوا فيه، ما احنا كنا عيال صغيره وبنلعب في الشوارع برده.
– ياعم وانا صغير مكنتش بلعب في الشارع، كنت بلعب في حته وسَعَايه في السوق. ولو ع النادي ما عندهم النادي الرياضي هنا اهوه ومركز الشباب ولا اهاليهم مش عايزه تخرج م البيت؟ وعموما لو الكوره كسرت حاجه عندي في المحل اهاليهم هيقولولي [معلش] واحنا البلد بتاعه معلش.
* ياعم الحاج ما الكوره دخلت قبل كده المحل عندك ووقعت حاجات وانت معملتش الفيلم الهندي ده كله، ولكن خليت ابو الواد ييجي علشان ياخد الكوره.
– ياعم مهند انا كده، ان الكوره قربت من المحل هقطعها.

وظل النقاش يدور حول نفس النقاط، طبعا مع تزايد حده الصوت من عم ابراهيم مصمما انني مختلف عن البشرية واتعامل مع الموضوع ببساطه لإني مش عارف يعني ايه محل ويعني ايه حاجه تتكسر فيه.. وفي نفس ذات الوقت مش عارف ان اللعب في الشارع ده للعيال [تربية الشوارع] مع ان أطفال مصر كلها لعبت في الشارع… لإننا م الآخر بلد تربية شوارع…

بس كان فيه كلمه حاططها في دماغي وانا نازل اكلمه [خاطبوهم على قدر عقولهم] ولكن اللي اكتشفته ف الآخر.. ان اللي زي ده [متخاطبوش] اصلا.. لإنه هيجيبلك الضغط واحتمال يشلك.. لإنك كل ما تفتح معاه نقطه. لازم العيال تطلع في الآخر ملهاش اهل. وعيال تربية شوارع.

اخص عليك يا عم ابراهيم